સાયબર ઠગે આતંકી કનેકશન હોવાનું કહી વૃદ્ધ દંપતીને ડિજિટલ એરેસ્ટ કરી ૩૩ લાખ પડાવ્યા
(એજન્સી)અમદાવાદ, નારણપુરા વિસ્તારમાં વૃદ્ધ શિક્ષીકા અને તેમના પતીને ડીજીટલ એરેસ્ટ કરી સાયબર ઠગો ૩૩ લાખ ચાઉ કરી ગયાની વધુ એક ઘટના અમદાવાદ સાયબર સેલમાં સોમવારે પ્રકાશમાં આવી છે. એટીએસ અધિકારી તરીકે સાયબર ઠગે ઓળખ આપી નિવૃત્ત શિક્ષકોને જણાવ્યું કે, એટીએસએ આતંકીના ફાર્મમાં રેડ કરતા તમારા પતીનું આધારકાર્ડ અને હથીયારો મળ્યા છે.
તમે પતી-પત્ની શંકાના દાયરામાં હોવાથી તમારી ધરપકડ કરવી પડશે. આ રીતે ડરાવી ધમકાવી વૃદ્ધ દંપતીના રોકાણની વિગતો મેળવી આરોપીઓએ ૩૩ લાખ ટ્રાન્સફર કરાવ્યા હતા. બીજા ૩૦ લાખ ટ્રાન્સફર કરવાના હતા જો કે, સહી મેચ ના થતાં બેકમાં નાણાં ટ્રાન્સફર ન થતા અને દંપતીએ બહેન બનેવી સાથે વાત કરતા પૈસા બચી ગયા હતા.
૭૮ વર્ષીય મહિલાને અજાણી વ્યકિતનો વોટસએપ કોલ આવ્યો અને એટીએસના અધિકારી તરીકે ઓળખ આપીને હિન્દીમાં વાત કરતા શખ્સે ટેરીસ્ટ આશીકફના ફાર્મમાં રેડ કરતા હથીયાર, આશીફના ફાર્મમાં રેડ કરતા હથીયાર રોકડ અને ર૦૦ આધારકાર્ડ જપ્ત કર્યા હતા. જેમાં તમારા પતીનું આધારકાર્ડ મળ્યું છે. સાયબર ઠગોએ વૃદ્ધાને જણાવ્યું કે પહેલગામમાં આતંકીઓએ તમારા પતીના નામે બેક ખાતુંખોલાવ્યું છે.
બાદમાં અન્ય અધિકારીએ તમે તમારા બેક ખાતાની એફડી તોડી અમે આપેલા ખાતામાં નાણાં ટ્રાન્સફર કરવા પ્રોસેસ કરી હતી. જોકે બેકમાંથી સહી મેચ ના થતી હોવાનો કોલ આવતા સોમવારે ફરી બેક પર આવવા સોમવારે ફરી બેક પર આવવા જણાવ્યું હતું કે, આ દરમ્યાન દંપતીને શંકા જતા તેમના બહેન બનેવી સાથે વાત કરતા ડીજીટલ અરેસ્ટ ફ્રોડ થયાનું તેઓએ જણાવયું હતું.
