ઈરાન યુદ્ધ વચ્ચે ઈઝરાયેલની સંસદે એક નવા કાયદાને મંજૂરી આપી છે જે અંતર્ગત આતંકવાદી ઘટનાઓના આરોપી પેલેસ્ટાઈનીઓને મૃત્યુદંડ આપવામાં આવશે. માત્ર 90 દિવસમાં સુનાવણી બાદ સજા સંભળાવવામાં આવશે. વડાપ્રધાન બેન્જામિન નેતન્યાહુ સહિત 62 સાંસદોએ આ કાયદાના સમર્થનમાં મતદાન કર્યું છે. ઇઝરાયલી વહીવટીતંત્રનું કહેવું છે કે વેસ્ટ બેંકમાં ઘાતક હુમલા કરનારા પેલેસ્ટાઇનીઓને હવે સીધી મૃત્યુદંડ આપવામાં આવશે. આ બિલ પસાર થવું એ ઇઝરાયેલના દૂર-જમણેરી પક્ષો માટે એક મોટી જીત છે, જેમણે તેના માટે સખત લોબિંગ કર્યું હતું. વડા પ્રધાન બેન્જામિન નેતન્યાહુએ પણ ગૃહમાં બિલની તરફેણમાં મતદાન કર્યું હતું.
આ કાયદા હેઠળ, પશ્ચિમ કાંઠાના પેલેસ્ટિનિયનો માટે મૃત્યુ દંડ નક્કી કરવામાં આવ્યો છે જેઓ ઇઝરાયલી લોકોની હત્યાના દોષી છે. કાયદો ઇઝરાયેલની અદાલતોને તેના નાગરિકોને મૃત્યુ અથવા આજીવન કેદની સજા કરવાની સત્તા પણ આપે છે. આ કાયદો ભૂતકાળના કેસોને લાગુ પડશે નહીં પરંતુ માત્ર ભવિષ્યના કેસોને લાગુ પડશે.
કેટલાક કેસમાં આજીવન કેદની સજા થઈ શકે છે
આ બિલ મુજબ અમુક ખાસ કેસમાં આરોપીને આજીવન કેદની સજા પણ થઈ શકે છે. પશ્ચિમ કાંઠે હુમલાના આરોપીઓ પર લશ્કરી અદાલતમાં કેસ ચલાવવામાં આવશે. આ કાયદાને લઈને ઈઝરાયેલને આંતરરાષ્ટ્રીય સ્તરે વિરોધનો સામનો કરવો પડી શકે છે.
અમેરિકાએ કાયદાનું સમર્થન કર્યું
યુરોપિયન કાઉન્સિલે આ કાયદા અંગે ચિંતા વ્યક્ત કરી છે અને કહ્યું છે કે એક જ ગુનાની સજા અલગ-અલગ લોકો માટે અલગ-અલગ ન હોઈ શકે. અમેરિકાએ ઈઝરાયેલના નિર્ણયનું સમર્થન કર્યું હતું અને કહ્યું હતું કે એક સાર્વભૌમ રાષ્ટ્ર તરીકે ઈઝરાયેલને આતંકવાદીઓ સામે સખત સજા નક્કી કરવાનો અધિકાર છે. અમેરિકી વિદેશ મંત્રાલયના પ્રવક્તાએ કહ્યું કે, અમને વિશ્વાસ છે કે માનવાધિકારની સુરક્ષા માટે ઇઝરાયેલ કોર્ટમાં દરેક કેસની યોગ્ય રીતે સુનાવણી કર્યા પછી જ સજા નક્કી કરશે.
