નવી દિલ્હી
ગુજરાત ટાઇટન્સના ઓપનર શુભમન ગિલે શુક્રવારે રાત્રે મુંબઈ ઈન્ડિયન્સ સામે ક્વોલિફાયર-2માં સિઝનની તેની ત્રીજી સદી ફટકાર્યા બાદ ઓરેન્જ કેપ કબજે કરી હતી. બીજી તરફ સાથી ખેલાડી મોહમ્મદ શમીએ આ મેચમાં બે મોટી અને મહત્વની વિકેટ લઈને પર્પલ કેપ રેસમાં પોતાનું નંબર-1 સ્થાન મજબૂત કરી લીધું છે. આ સિવાય રાશિદ ખાન, મોહિદ શર્મા અને સૂર્યકુમાર યાદવ જેવા ખેલાડીઓએ પણ GT vs MI મેચમાં પોતાના પ્રદર્શનથી પ્રભાવિત કર્યા છે. ચાલો જાણીએ IPL 2023 ની ફાઈનલ પહેલા ઓરેન્જ અને પર્પલ કેપ રેસમાં શું ફેરફારો થયા.
સૌ પ્રથમ, ચાલો ઓરેન્જ કેપ રેસ પર એક નજર કરીએ. ક્વોલિફાયર-2માં 129 રનની તોફાની ઇનિંગ્સ રમનાર શુભમન ગિલે રોયલ ચેલેન્જર્સ બેંગ્લોરના કેપ્ટન ફાફ ડુપ્લેસીને હરાવી આ સિઝનમાં સૌથી વધુ રન બનાવવાનો રેકોર્ડ બનાવ્યો હતો. ગિલના હવે 15 મેચમાં 851 રન છે, જ્યારે ડુ પ્લેસિસ 730 રન સાથે બીજા ક્રમે છે. ગિલ અને ડુપ્લેસી ઉપરાંત વિરાટ કોહલી, ડેવોન કોનવે અને યશસ્વી જયસ્વાલ ટોપ-5માં છે. જીટી સામે ધમાકેદાર 68 રન બનાવનાર સૂર્યકુમાર યાદવ 605 રન સાથે છઠ્ઠા સ્થાને યથાવત છે. આ સાથે જ ઈશાન કિશને પણ ટોપ-10માં રહીને 454 રન બનાવીને પોતાની સફર પૂરી કરી.
IPL 2023માં સૌથી વધુ રન બનાવનાર
શુભમન ગિલ – 851
ફાફ ડુપ્લેસી – 730
વિરાટ કોહલી – 639
ડેવોન કોનવે – 625
યશસ્વી જયસ્વાલ – 625
પર્પલ કેપ રેસ પર એક નજર કરીએ તો, ગુજરાત ટાઇટન્સના બોલરો અહીં ટોપ-3 પર રાજ કરી રહ્યા છે. મોહમ્મદ શમી 28 વિકેટ સાથે ટોચ પર છે, જ્યારે રાશિદ ખાન અને મોહિત શર્માના નામે અનુક્રમે 27 અને 24 વિકેટ છે. ગુજરાતના આ ત્રણ બોલરોએ અત્યાર સુધીમાં કુલ 79 વિકેટ ઝડપી છે. મોહિદ શર્માએ MI સામે 5 વિકેટ ઝડપીને ટોપ-3માં પોતાનું સ્થાન બનાવી લીધું છે. આ સિવાય પીયૂષ ચાવલા અને યુઝવેન્દ્ર ચહલ ટોપ-5માં છે.
IPL 2023માં સૌથી વધુ વિકેટ લેનાર બોલર-
મોહમ્મદ શમી – 28 વિકેટ
રાશિદ ખાન – 27 વિકેટ
મોહિત શર્મા – 24 વિકેટ
પિયુષ ચાવલા – 22 વિકેટ
યુઝવેન્દ્ર ચહલ – 21 વિકેટ