(પ્રતિનિધિ)બાયડ, તારીખ ૧૪ એપ્રિલની વહેલી સવારે અંદાજિત ૫ઃ૩૦ સમયે ધનસુરા તાલુકા ના રામપુરા ગામમાં રહેતી એક મહિલાને પ્રસુતિની પીડા ઉપાડતા તેમના પરિવારજનોએ ૧૦૮ ઈમરજન્સી સેવાનો સંપર્ક કર્યો હતો.
૧૦૮ ઈમરજન્સી સેવા બાયડ ની ટીમે ગણતરીની મિનિટોમાં જ ઘટના સ્થળ પર પહોંચીને સગર્ભાની તપાસ કરી અને પરિસ્થિતિને પારખીને ઘટના સ્થળ પર જ મહિલાની પ્રસુતિ કરવાનો નિર્ણય લીધો હતો.
ઈમરજન્સી મેડીકલ ટેક્નિશિયન હિતેન્દ્ર પંચાલ અને પાયલટ તખતસિંહ ઈમર્જન્સી રિસ્પોન્સ સેન્ટર પર બેઠેલા ઈમરજન્સી રિસ્પોન્સ સેન્ટ્રલ ફિઝિશિયન ડોક્ટર કરણ ની ઓન કોલ સલાહ પ્રમાણે અને ઈ એમ આર આઈ ગ્રીન હેલ્થ સર્વિસ સંસ્થાએ આપેલ ટ્રેનિંગનો ઉપયોગ કરી સગર્ભાની સુરક્ષિત અને સફળ પ્રસુતિ કરાવી. માતાએ સ્વસ્થ નવજાત પુત્ર ને જન્મ આપ્યો હતો.
ત્યારબાદ માતા અને બાળકને વાત્રક સાર્વજનિક હોસ્પિટલ ખાતે દાખલ કરવામાં આવેલ હતા. ૧૦૮ ઈમરજન્સી સેવાની સમયસૂચકતાને કારણે એક નવજાત શિશુ અને માતાનો જીવ બચ્યો હતો. પરિવારના સભ્યો દ્વારા ૧૦૮ ઈમરજન્સી સેવાનો આભાર વ્યક્ત કર્યો હતો. ગુજરાત સરકારના માતા અને બાળ મૃત્યુદર ઘટાડવાના અભિગમને સાકર કરતી શામળાજી ૧૦૮ ની ટીમને સો સો સલામ.
