ગુજરાતઃ રાજ્ય (ગુજરાત)માં આગામી 24 કલાક દરમિયાન વરસાદની આગાહી કરવામાં આવી છે. હવામાન વિભાગે ભાવનગર, નર્મદા, તાપી અને નવસારીમાં તેમજ વલસાડ, સુરત, ડાંગમાં વરસાદની આગાહી કરી છે. જ્યારે કમોસમી વરસાદ વચ્ચે તાપમાનમાં 3 ડિગ્રી જેટલો વધારો થાય તેવી પણ શકયતા છે.
હવામાન વિભાગની આગાહી મુજબ દક્ષિણ ગુજરાત અને સૌરાષ્ટ્રના કેટલાક વિસ્તારોમાં છુટાછવાયા વરસાદની શક્યતા છે. આ ઉપરાંત હવામાન વિભાગના અભિમન્યુ ચૌહાણે જણાવ્યું હતું કે આગામી 24 કલાકમાં ગુજરાતના કેટલાક વિસ્તારોમાં ચોમાસાની અસર જોવા મળી શકે છે.
આગામી પાંચ દિવસમાં ગુજરાતના વાતાવરણમાં પલટો જોવા મળશે. આગામી 24 કલાક સુધી વરસાદ પડશે અને ત્યારબાદ હવામાન શુષ્ક રહેશે. મળતી માહિતી મુજબ, નર્મદા, સુરત, તાપી, નવસારી, ડાંગ, વલસાડ, દમણ-દાદરા નગર હવેલી, સૌરાષ્ટ્ર, ભાવનગરમાં છુટોછવાયો વરસાદ પડી શકે છે.
આજે એટલે કે મંગળવાર, 9 જાન્યુઆરીએ રાજકોટ, જૂનાગઢ, અમરેલી, બનાસકાંઠા, સાબરકાંઠા, અરવલ્લી, મહિસાગર, દાહોદમાં કેટલાક સ્થળોએ હળવા વરસાદની આગાહી કરવામાં આવી છે. હવામાન વિભાગે 10 જાન્યુઆરીએ ઉત્તર ગુજરાતમાં છૂટાછવાયા સ્થળોએ કમોસમી વરસાદની આગાહી કરી છે.