પાટણ શિહોરી રોડ પર મેલુણસણ ગામ પાસે પોલીસ પ્લેટ કાર અને પીકઅપ ટ્રક વચ્ચે અકસ્માત સર્જાયો હતો. ટક્કર બાદ બંને વાહનો પલટી મારી ગયા હતા. કારના આગળના ટાયરને પણ નુકસાન થયું હતું. ટક્કર એટલી જોરદાર હતી કે બંને વાહનોનો કચ્ચરઘાણ વળી ગયો હતો. આ ઉપરાંત પોલીસ પ્લેટવાળી કારમાંથી વિદેશી દારૂની બોટલ પણ મળી આવી હતી. આથી પોલીસે અજાણ્યા કાર ચાલક વિરૂધ્ધ ફરિયાદ નોંધી તપાસ હાથ ધરી છે.પાટણ-સિહોરી રોડ પર આવેલા મેલુણસણ ગામ પાસે ક્રેટા કારના ચાલકે સામેથી પુરપાટ ઝડપે આવી રહેલી પીકઅપ ટ્રકને ટક્કર મારતા અકસ્માત સર્જાયો હતો. જેના કારણે બંને વાહનો અથડાતા પલટી મારી ગયા હતા. આ સાથે જ બંને કાર એકબીજા સાથે અથડાઈ હતી અને કાર એકબીજા સાથે અથડાઈને દૂર પડી હતી. આ ઉપરાંત પોલીસ પ્લેટ લગાવેલી ક્રેટા કારનું ટાયર પણ પંચર થઈ ગયું હતું.અકસ્માતની માહિતી મળતા પોલીસ ઘટના સ્થળે પહોંચી ગઈ હતી. પોલીસ દ્વારા વાહનની તલાશી દરમિયાન ગાડીમાંથી વિદેશી દારૂની બોટલો મળી આવી હતી. તેમજ અકસ્માત બાદ કાર ચાલક કાર મુકીને નાસી ગયો હતો. જે બાદ પોલીસે કાર ચાલક સામે ફરિયાદ નોંધી કાયદેસરની કાર્યવાહી હાથ ધરી હતી.