બનાસકાંઠા જિલ્લામાં ફરી વરસાદી માહોલ છે. આજે અમીરગઢ, ઈકબાલગઢ સહિતના ગ્રામ્ય વિસ્તારોમાં વરસાદ પડ્યો હતો. લાંબા ગાળે વરસાદની શરૂઆત થતા ખેડૂતોમાં ખુશીની લહેર જોવા મળી રહી છે.બનાસકાંઠા જિલ્લાના કેટલાક વિસ્તારોમાં આજે સવારથી વાદળો વચ્ચે વરસાદી ઝાપટા શરૂ થયા છે. અમીરગઢ, ઇકબાલગઢ, ધનપુરા, ઝાંઝરવા, આંબાપાણી સહિત સમગ્ર પંથકમાં કડકડતી ઠંડી પડી રહી છે. જિલ્લાના કેટલાક વિસ્તારોમાં ઝરમર વરસાદ શરૂ થયો હતો. અમીરગઢ તાલુકાના ગ્રામ્ય વિસ્તારોમાં હળવો વરસાદ થયો હતો. હવામાન વિભાગની આગાહી મુજબ છેલ્લા બે-ત્રણ દિવસથી વાતાવરણમાં પલટો આવ્યો છે અને દિવસભર વાદળછાયા વાતાવરણ વચ્ચે જિલ્લાના કેટલાક વિસ્તારોમાં ઝરમર વરસાદ શરૂ થયો છે. ધીમીધારે પડેલા વરસાદને કારણે હાઈવેના રસ્તાઓ પર પાણી ભરાઈ ગયા હતા. બીજી તરફ લાંબા વિરામ બાદ ફરી વરસાદ શરૂ થતા ખેડૂતોમાં ખુશી જોવા મળી રહી છે.