એક દિવસની રજા બાદ આજે શેરબજારમાં ફરી કારોબાર જોવા મળી રહ્યો છે. જો કે શેરબજારમાં લાલ નિશાન સાથે ટ્રેડિંગ જોવા મળી રહ્યું છે. નિફ્ટીને 19300 પર સપોર્ટ જોવા મળી રહ્યો છે, પરંતુ આજે ફરીથી 19400ની નીચે ટ્રેડ થઈ રહ્યો છે. બેન્ક નિફ્ટીમાં 458 પોઈન્ટ એટલે કે 1.03 ટકાનો ઘટાડો જોવા મળી રહ્યો છે.
જાણો આજે બજારની શરૂઆત કેવી રહી?
BSE સેન્સેક્સ 163.25 પોઈન્ટ અથવા 0.25 ટકાના ઘટાડા સાથે 65,238 પર ખુલ્યો હતો. આ સિવાય NASE નો નિફ્ટી 65.55 પોઈન્ટ એટલે કે 0.34 ટકા ઘટીને 19,369 પર ખુલ્યો હતો.
જાણો સેન્સેક્સ અને નિફ્ટીના શેરની સ્થિતિ
સેન્સેક્સના 30 શેરોમાંથી 20 શેરો ડાઉન છે અને માત્ર 10 શેરો ઝડપી ટ્રેડ કરી રહ્યાં છે. આ સિવાય નિફ્ટીના 50માંથી 9 શેરો વધારા અને 41 શેરોમાં ઘટાડા સાથે ટ્રેડ થઈ રહ્યા છે.