(GNS),05
ઉદ્યોગપતિ મુકેશ અંબાણીને પૈસા આપવા અથવા જાનથી મારી નાખવાની ઈમેલ પર પાંચ વખત ધમકી આપનારા બે યુવકોની ધરપકડ કરવામાં આવી છે, જેમાંથી એક ગુજરાતી છે. આ ગુજરાતી અમદાવાદનો હોવાનું કહેવાય છે. મુંબઈ ક્રાઈમ બ્રાન્ચે શનિવારે બે યુવકોની ધરપકડ કરી હતી, જેમાં 19 વર્ષીય તેલંગાણા યુવક અને 21 વર્ષીય ગુજરાતી યુવકનો સમાવેશ થાય છે. ઉદ્યોગપતિ મુકેશ અંબાણીને ઈમેલ પર ધમકી આપનારા બે લોકોની પોલીસે ધરપકડ કરી છે. જેમાં ગણેશ રમેશ વનરાધિપતિ નામના યુવકની તેલંગાણાના વારંગલથી ધરપકડ કરવામાં આવી છે. જ્યારે અન્ય એક વ્યક્તિ અમદાવાદનો હોવાનું બહાર આવ્યું છે.
મુંબઈ ક્રાઈમ બ્રાન્ચે ઉદ્યોગપતિ મુકેશ અંબાણીને ધમકી આપનાર અને 400 કરોડ રૂપિયાની માંગણી કરનાર આરોપીની ગાંધીનગર, ગુજરાતથી ધરપકડ કરી છે. આ આરોપીનું નામ રાજવીર ખાંટ છે. ગાંવદેવીમાં IPC 387, 506(2) હેઠળ કેસ નોંધવામાં આવ્યો છે. જેમાં તે શાબાદ ખાન નામના ઈમેલ પરથી જુદા જુદા ઉદ્યોગપતિઓને ધમકીભર્યા ઈમેલ મોકલતો હતો, જેમાં પૈસાની માંગણી કરતો હતો અને જો પૈસા નહીં આપે તો જાનથી મારી નાખવાની ધમકી આપતો હતો. ક્રાઈમ બ્રાન્ચે તેની તપાસ હાથ ધરી હતી.
જેમાં ક્રાઈમ બ્રાન્ચે ગુજરાતમાંથી રાજવીર ખંતાણીની ધરપકડ કરી છે. તે બી.કોમ.નો વિદ્યાર્થી છે. તેણે ઉદ્યોગપતિની કંપનીના સત્તાવાર ઈમેલ આઈડી પર ઈમેલ મોકલવા માટે MailFace.com અને ડાર્ક વેબનો ઉપયોગ કર્યો હતો. કુલ 5 ઈમેલ મોકલવામાં આવ્યા હતા. તેમની પાસેથી 2 મોબાઈલ ફોન અને કોમ્પ્યુટર ડેસ્કટોપ જપ્ત કરવામાં આવ્યા છે. ક્રાઈમ બ્રાન્ચના જણાવ્યા અનુસાર બંનેએ ઉદ્યોગપતિને ધમકી આપી હતી. શાદાબ ખાન મેલ face.com આઈડી પરથી ધમકીભર્યો મેલ મોકલવામાં આવ્યો હતો. આરોપીઓ કોમ્પ્યુટરના જાણકાર હતા.