બનાવટી દસ્તાવેજોના આધારે પાસપોર્ટ મેળવનાર મહિલાની જામીન અરજી કોર્ટે ફગાવી
(એજન્સી)અમદાવાદ, સીટી સીવીલ એન્ડ સેશન્સ કોર્ટે બોગસ પાસપોર્ટ કૌભાંડમાં સંડોવાયેલી મહીલા આરોપી નિશા વિપુલકુમાર રાણાની રેગ્યુલર જામીન અરજી નામંજુર કરી છે. કોર્ટે નોધ્યું હતુંકે, આ ગુનાની તપાસ હાલ ચાલુ છે. અને હજુ ચાર્જશીટ દાખલ કરવામાં આવી નથી.
જો આરોપીને જામીન પર મુકત કરવામાં આવે તો તે પુરાવા સાથે ચેડાં કરી શકે છે. અને સાક્ષીઓને પ્રભાવીત કરી શકે તેવી શકયતા નકારી શકાય તેમ નથી.આ કેસમાં અન્ય સહ આરોપીઓને પકડવાના હજુ બાકી છે. જેમને પકડવા માટે આરોપીની કસ્ટડી અને તપાસ અનિવાર્ય છે.
આરોપી સામે આર્થિક લાભ મેળવવા માટે ખોટા દસ્તાવેજોના આધારે બોગસ પાસપોર્ટ મેળવી તેનો ખરા તરીકે ઉપયોગ કરવાના ગંભીર આરોપો છે. અને તેની સક્રીય સંડોવણી પ્રાથમીક દ્રષ્ટિએ જણાય છે. તપાસ જયારે અત્યંત નાજુક તબકકે હોય ત્યારે આરોપીની જામીન આપવા ન્યાયોચીત જણાતું નથી.
નોધનીય છેકે, બાયોમેટ્રીક વેરીફીકેશન દરમ્યાન ભાંડો ફૂટયો વિદેશી પાસપોર્ટ અને ભારતીય ઓળખ પત્રોમાં અલગ અલગ નામ મળતા પોલીસ ફરીયાદ નોધાઈ હતી. ગુજરાત યુનિવસીટી પોલીસ સ્ટેશનમાં નોધાયેલા ગુના હેઠળ આરોપી હાલ સાબરમતી સેન્ટ્રલ જેલમાં બંધ છે.
આ કેસના ફરીયાદી હુડકો ભવન સ્થિત એફઆરઆરો ઓયીસમાં (Oasis HUDCO Bhawan) ફરજ બજાવે છે. ૧૭ માર્ચે ર૦ર૬ના રોજ આરોપી નિશા રાણા ભારતીય વીઝા મેળવવા માટે બાયોમેટ્રીક અને ડોકયુમેન્ટ વેરીફીકેશન અર્થે આવી હતી. તપાસ દરમ્યાન તેની પાસેથી નિશા જગન નામના બે પાસપોર્ટ મળી આવ્યા હતા. જેમાં એક કેન્સલ કરાયેલા ભારતીય પાસપોર્ટ અને બીજો પોર્ટુગીઝ પાસપોર્ટ હતો.
શંકા જતાં જયારે અધિકારીઓએ તેના અન્ય પુરાવા તપાસ્યા ત્યારે પાનકાર્ડ અને આધારકાર્ડમાં નિશા વિપુલ રાણા નામ જોવા મળ્યું હતું. તેની ધો.૧૦ની માર્કશીટ અને એલસીમાં પટેલ નિશા અશીતકુમાર નામ હતું.
આમ અલગ અલગ નામના બોગસ દસ્તાવેજો ઉભા કરી આર્થિક લાભ મેળવવા માટે પાસપોર્ટ મેળવ્યો હોવાનું જણાતા તેની ધરપકડ કરાઈ હતી. આ કેસમાં આરોપી તરીકે જામીન અરજીમાં એડવોકેટ દલીલ કરી હતી. કે, આરોપી નિર્દોષ છે. તેમને ખોટીરીતે સંડોવી દેવામાં આવ્યા છે.
