દાંતા તાલુકામાં અકસ્માતોનો સિલસિલો યથાવત છે. આથી આજે ફરી દાંતા તાલુકાના અંબાજીમાં અકસ્માતનો કિસ્સો સામે આવ્યો છે. અંબાજીના ચૌધરીવાળી ધર્મશાળા સામે ટ્રક અને બાઇક વચ્ચે અકસ્માત સર્જાયો હતો. બાઇક સવાર બેકાબૂ ન રહેતા ટ્રક પાછળના ભાગે ઘુસી ગયો હતો. ત્યારે બાઇક સવારને ઇજા થઇ હતી.
અંબાજી ખેડબ્રહ્મા હાઈવે પર ચૌધરી વલી ધર્મશાળા સામે આજે એક ટ્રક યુ-ટર્ન લઈ રહી હતી, ત્યારે બાઇક સવારે બાઇક પરનો કાબૂ ગુમાવી દીધો હતો અને ટ્રક પાછળના ભાગે અથડાઈ હતી. અકસ્માતમાં બાઇક સવારને ગંભીર ઇજાઓ પહોંચી હતી. ઇમરજન્સી 108ને જાણ કરતાં ઇમરજન્સી 108 ઘટના સ્થળે પહોંચી હતી અને અકસ્માતમાં ઇજાગ્રસ્ત બાઇક સવારને સારવાર માટે અંબાજી સિવિલ હોસ્પિટલમાં દાખલ કરાયો હતો.