બિપરજોય ચક્રવાત બાદ અરવલ્લી જિલ્લામાં વરસાદને લગભગ એક સપ્તાહ જેટલો સમય થઈ ગયો છે. ત્યારબાદ અસહ્ય ગરમી શરૂ થઈ અને લોકો વરસાદની રાહ જોવા લાગ્યા. ત્યારે ખેડૂતોએ પણ ખેડાણ કરીને ખેતરો તૈયાર કર્યા હતા અને તેઓ પણ વરસાદની રાહ જોઈ રહ્યા હતા. ત્યારે જિલ્લાના માલપુર મોડાસા અને મેઘરજ તાલુકામાં વાતાવરણમાં પલટો આવ્યો હતો.
મેઘરજ અને મોડાસા તાલુકામાં આજે બપોરે વાતાવરણમાં એકાએક પલટો આવ્યો હતો. માલપુરના સજ્જનપુરા કંપા, ગોવિંદપુર, માલપુર નગરમાં વરસાદ પડ્યો હતો. જ્યારે લીબોદ્રા, કૃષ્ણપુર, ઇસરી, તરકવાળા, જીતપુર સહિતના મેઘરાજ નગરમાં વરસાદ પડ્યો છે. બીજી તરફ મોડાસાના લીંભોઇ અને વાણીયાદ પેટા વિભાગમાં ભારે વરસાદ થયો છે. મોડાસા શામળાજી હાઈવે વરસાદને કારણે પાણી ભરાઈ ગયો છે. ત્યારે અસહ્ય ગરમી બાદ વરસાદે ઠંડક પ્રસરી જતાં ખેડૂતોમાં પણ ખુશી જોવા મળી હતી.