ગાંધીનગર જિલ્લા ચૂંટણી અધિકારી શ્રી મેહુલ દવેએ ગાંધીનગર સંસદીય મતવિસ્તારમાં સમાવિષ્ટ ત્રણ વિધાનસભા મતદાન વિભાગોની મુલાકાત લીધી હતી.
(GNS),તા.20
ગાંધીનગર,
ગાંધીનગર સંસદીય મતવિસ્તારમાં શાંતિપૂર્ણ માહોલમાં મતદાન થાય તે માટે તંત્ર સક્રિય બન્યું છે. આજે ગાંધીનગર જિલ્લા ચૂંટણી અધિકારી શ્રી મેહુલ દવેએ ગાંધીનગર સંસદીય મતવિસ્તારમાં સમાવિષ્ટ 55 સાબરમતી, 45 નારણપુરા અને 41 ઘાટલોડિયા વિધાનસભા મતવિસ્તારને સોંપવામાં આવેલા સ્ટ્રોંગ રૂમની મુલાકાત લીધી હતી અને અહીં કરવામાં આવેલી વ્યવસ્થાનું ઝીણવટપૂર્વક નિરીક્ષણ કર્યું હતું. તેમજ આ અંગે અધિકારીઓ અને કર્મચારીઓને યોગ્ય માર્ગદર્શન આપવામાં આવ્યું હતું. આ મુલાકાત સમયે ગાંધીનગર જિલ્લાના નાયબ જિલ્લા ચૂંટણી અધિકારી શ્રી પાર્થ કોટડિયા અને ચૂંટણી અધિકારી શ્રી. આર.કે.પટેલ અને સંબંધિત અધિકારીઓ ઉપસ્થિત રહ્યા હતા.