મહેસાણા જિલ્લામાં સ્થાનિક લોકો તસ્કરોથી પરેશાન છે. સતત ચોરીની ઘટનાઓથી લોકો પરેશાન છે અને જાનમાલને નુકસાન થઈ રહ્યું છે. દરમિયાન ચોરીનો વધુ એક બનાવ પ્રકાશમાં આવ્યો છે. જેમાં કડીના મોકાસણ ગામે તસ્કરો કરિયાણાની દુકાનમાંથી ચોરીને અંજામ આપ્યો હતો.
ચોરીની ઘટનાનો સીસીટીવી વીડિયો સામે આવ્યો છે. જેમાં તસ્કર પણ નજરે પડે છે. દુકાનમાંથી રોકડ રકમની ચોરી કરવાને બદલે તસ્કરે કરિયાણાની દુકાનમાંથી ખાંડ, 10 કિલો ગોળ અને સિંગલ તેલનું ટીન ચોરી લીધું હતું. આમ તસ્કરો રોકડની ચોરી કરતા નથી તે બાબતે અનેક તર્કવિતર્કો કરવામાં આવી રહ્યા છે.