રાજકોટના ભાયાવદરમાં મુશળધાર વરસાદ બાદ પૂરના દ્રશ્યો સામે આવ્યા છે. ભાયાવદરના ટીંબડી ગામ પાસેથી પસાર થતી હીરા નદીમાં પૂરના કારણે લોકો માટે મુશ્કેલી સર્જાઈ રહી છે. ચારે બાજુ પાણી છે. મુશળધાર વરસાદ બાદ હીરા નદીએ ઉગ્ર સ્વરૂપ ધારણ કર્યું છે. હીરા નદીમાં પાણીનો પ્રવાહ વધુ હોવાથી ચેકડેમ પણ ઓવરફ્લો થયો છે.
નદીનો પ્રવાહ એટલો જોરદાર હતો કે તેમાં બે ગાયો ડૂબી ગઈ હતી. જે બાદ બે બળદને પાણીમાં ખેંચી જવાના દ્રશ્યો પણ સામે આવ્યા છે. નદીના ઝડપી પ્રવાહને જોઈને એવું લાગે છે કે જાણે નદીએ ઉગ્ર સ્વરૂપ ધારણ કરી લીધું છે. ટીંબડી ગામના માર્ગો પર પાણી ભરાવાના કારણે વાહનવ્યવહાર પણ ખોરવાયો છે અને લોકોને મુશ્કેલીનો સામનો કરવો પડી રહ્યો છે. હીરા નદીના પાણી પણ ગામના ખેતરોમાં ફરી વળ્યા છે. જેના કારણે ખેડૂતોને ભારે નુકસાન વેઠવું પડ્યું છે.