ડીસા સહિત સમગ્ર બનાસકાંઠા જિલ્લામાં 24મીથી 28મી દરમિયાન વરસાદની આગાહી બાદ માર્કેટયાર્ડના ખેડૂતો અને વેપારીઓ એલર્ટ થઈ ગયા છે. માર્કેટ યાર્ડ મેનેજમેન્ટે સોશિયલ મીડિયાના માધ્યમથી ખેડૂતો અને વેપારીઓને તેમનો માલ સુરક્ષિત જગ્યાએ રાખવા સૂચના આપી છે.હવામાન વિભાગે 24મીથી 28મી સુધી વરસાદની આગાહી કરી છે. ત્યારે વરસાદના કારણે ખેડૂતો અને વેપારીઓને નુકશાન ન થાય તે માટે તંત્ર દ્વારા માર્કેટયાર્ડના મેનેજમેન્ટને સતર્ક રહેવા જણાવાયું હતું. જે અંતર્ગત ડીસા માર્કેટ યાર્ડ મેનેજમેન્ટ દ્વારા ખેડૂતો અને વેપારીઓને વરસાદની આગાહી હોય તેવા દિવસોમાં તેમનો માલ સુરક્ષિત જગ્યાએ રાખવા સૂચના આપી છે.
ડીસા માર્કેટ યાર્ડના સેક્રેટરી અમરતભાઈ જોષીએ જણાવ્યું હતું કે હવામાન વિભાગે આગામી 24 થી 28 દિવસ સુધી વરસાદની આગાહી કરી છે. આથી સરકારની સુચના મુજબ અમે તમામ વેપારીઓ અને ખેડૂતોને આ અંગે સતર્ક કરી પોતાનો માલ સલામત સ્થળે રાખવા અને બજાર પરિસરમાં આવતા ખેડૂતોને તેમનો માલ ઢાંકીને લાવવા સૂચના આપી છે.