જો તમે નવું સ્માર્ટ ટીવી ખરીદવાનું વિચારી રહ્યા છો, તો તમારે હાર્ડવેર સ્ટાર્ટઅપ ટેલી પર થોડું સંશોધન કરવું જોઈએ. આ કંપની પોતાના 55 ઈંચનું સ્માર્ટ ટીવી લોકોને ફ્રીમાં આપી રહી છે. એટલે કે 55 ઇંચનું સ્માર્ટ ટીવી મેળવવા માટે તમારે એક પણ રૂપિયો ખર્ચવાની જરૂર નથી. કંપનીના કો-પાઉન્ડર લિયા પોઝિને ગીવ અવે સ્કીમની જાહેરાત કરી છે. જે મુજબ કંપની 5 લાખ લોકોને ફ્રીમાં સ્માર્ટ ટીવી આપી રહી છે. કંપનીના કો-ફાઉન્ડરના કહેવા પ્રમાણે, તેમનો ઉદ્દેશ્ય પોતાની બ્રાન્ડને પ્રમોટ કરવાનો છે. તેઓ મફત સ્માર્ટ ટીવી દ્વારા ઘરે ઘરે પહોંચી રહ્યા છે અને તેઓ આ સ્માર્ટ ટીવીમાં તેમના તમામ ઉત્પાદનોની જાહેરાત પણ કરશે. આ સ્માર્ટ ટીવી પર જાહેરાત કરવાથી કંપનીને ઘણો ફાયદો થશે.
80 હજાર સ્માર્ટ ટીવી બિલકુલ ફ્રી
ટેલી કંપનીએ 55 ઇંચનું સ્માર્ટ ટીવી લોન્ચ કર્યું છે, જેની કિંમત લગભગ $1000 એટલે કે 80,000 રૂપિયા છે. પરંતુ આ ટીવી ખરીદવા માટે તમારે એક પણ રૂપિયો ખર્ચવાની જરૂર નથી. આ સ્માર્ટ ટીવી મફતમાં મેળવવા માટે, તમે www.freetelly.com પર જઈને બુક કરી શકો છો. બુકિંગ પછી, કંપની પોતે તમારા ઘરે 55 ઇંચનું અદ્યતન સ્માર્ટ ટીવી પહોંચાડશે. જોકે કંપનીએ આ સ્કીમ માત્ર અમેરિકા માટે જ લોન્ચ કરી છે. પરંતુ વૈશ્વિક સ્તરે અન્ય દેશોમાં આ યોજના ટૂંક સમયમાં શરૂ થાય તો નવાઈ નહીં.
ડ્યુઅલ સ્ક્રીન સ્માર્ટ ટીવી
ટેલિના સ્માર્ટ ટીવીની ખાસ વાત એ છે કે આ સ્માર્ટ ટીવી ડ્યુઅલ સ્ક્રીન સ્માર્ટ ટીવી છે, જેની સાઈઝ 55 ઈંચ છે. આ ટીવી 4K HDR ને સપોર્ટ કરે છે, જેથી તમે ઉચ્ચ રિઝોલ્યુશન વિઝ્યુઅલનો આનંદ માણી શકો. ઉપરાંત, આ ટીવીમાં બિલ્ટ-ઇન ફાઇવ-ડ્રાઇવર સાઉન્ડબાર પણ છે, જે તમને થિયેટર જેવો ડોલ્બી અવાજનો અનુભવ આપે છે. આ ટીવીની એક રસપ્રદ વિશેષતા તેની 9 ઇંચની બીજી સ્ક્રીન છે. આ બીજી સ્ક્રીન પર તમે સતત જાહેરાતો, મ્યુઝિક પ્લેબેક, સપોર્ટ સ્કોર અને અન્ય સુવિધાઓને ઍક્સેસ કરી શકો છો. એટલે કે, એક તરફ તમે મુખ્ય સ્ક્રીન પર મૂવી જોઈ રહ્યા છો અને બીજી તરફ નાના સ્ક્રીન પર તમને લાઈવ મેચનો સ્કોર જોવા મળશે.
અન્ય ઘણા મહાન લક્ષણો
તે માત્ર એક સાદું સ્માર્ટ ટીવી નથી પણ તેમાં વીડિયો કોલિંગ ફીચર પણ છે. જેના દ્વારા તમે તમારા મિત્રો અને પરિવાર સાથે વીડિયો ચેટ કરી શકો છો. ટીવીમાં બિલ્ટ-ઇન કેમેરા, સેન્સર અને માઇક્રોફોન પણ સામેલ છે. જે આ ટીવીને એડવાન્સ સ્માર્ટ ટીવી બનાવે છે.
ભારતમાં આ ટીવી ક્યારે ઉપલબ્ધ થશે તે અંગે કોઈ માહિતી મળી નથી. પરંતુ કંપનીના આયોજનને જોતા એવું લાગે છે કે કંપની ટૂંક સમયમાં તેની વૈશ્વિક હાજરી નોંધાવશે.