આણંદ, આણંદ શહેરના નાની ખોડીયાર વિસ્તારમાં આજથી સવા પાંચ વર્ષ પહેલા ૧૬ વર્ષની બાળાને હેરાન કરનાર યુવાનને તેના માતા-પિતા ઠપકો આપવા ગયા હતા.ત્યારે યુવાને તેની પાસેનું એસિડ તેણીને બળજબરીથી પીવડાવી દીધું હતું. આ અંગેનો કેસ આણંદની સ્પેશ્યલ અદાલતમાં ચાલી જતાં અદાલતે આરોપી યુવાનને દસ વર્ષની સખત કેદ અને રુ. ૫૧ હજારનો દંડ ફટકારતો ચુકાદો જાહેર કર્યાે છે.આણંદ શહેરના નાની ખોડીયાર વિસ્તારમાં બાપા સિતારામ સોસાયટીમાં અજય ઉર્ફે જાડીયો છગનભાઈ નાયક નામનો ૧૯ વર્ષનો યુવાન પોતાના પરિવાર સાથે રહેતો હતો. તે એક ૧૬ વર્ષની બાળાને આવતા જતાં વારંવાર હેરાન કરતો હતો.જેથી ગત તા. ૯ ડિસેમ્બર ૨૦૨૦ ના રોજ બાળાના માતા-પિતા તેને લઈને…
Author: gujarat
અમદાવાદમાં રૂ.૨.૩૮ કરોડની નકલી નોટો ઝડપાઈ -આરોપીઓ બેંકમાં સ્કેનિંગ ના થાય ત્યાં સુધી નોટ પકડી ના શકાયઃ ડીસીપીપકડાયેલા પ્રદીપ ગુરુજીએ રાજકોટમાં અનેકનું ફૂલેકું ફેરવ્યું, આશ્રમમાં નકલી નોટો છાપતું ભોંયરુ ઝડપાયું (એજન્સી)અમદાવાદ, અમદાવાદ ક્રાઈમ બ્રાન્ચે ગત મોડી રાતે અમરાઈવાડી વિસ્તારમાંથી કરોડો રૂપિયાની નકલી ચલણી નોટો ઝડપી પાડી છે. આ સાથે જ સુરતની એક મહિલા સહિત ૭ આરોપીની ધરપકડ કરી છે.આ લોકો પાસેથી પકડાયેલી ૨.૩૮ કરોડની નકલી ચલણી નોટોની ગણતરી કરતા પોલીસને છ કલાકનો સમય લાગ્યો હતો. આ પૈકી અમદાવાદથી રૂ. ૨.૩૮ કરોડ અને રૂ. ૮૦ લાખની ચલણી નોટો સુરતથી પકડાઈ હતી. આ નોટોની ગણતરી પૂરી થયા બાદ ક્રાઈમ બ્રાન્ચે વિધિવત ફરિયાદ…
(એજન્સી)અમદાવાદ, ભારતનું પ્રથમ વર્લ્ડ હેરિટેજ સિટી અમદાવાદ ફરી એકવાર વૈશ્વિક સ્તરે ચર્ચામાં આવ્યું છે. યુનેસ્કોની એક ઉચ્ચ સ્તરીય ટીમ અમદાવાદની મુલાકાતે આવી પહોંચી છે. આ ટીમ ‘રિએક્ટિવ મોનિટરિંગ’ પ્રક્રિયાના ભાગરૂપે અમદાવાદ શહેરના વિવિધ ઐતિહાસિક સ્થળોની મુલાકાત લઈને હેરિટેજ વારસાની જાળવણીનું નિરીક્ષણ કર્યું હતું.યુનેસ્કોની ટીમે અમદાવાદ મ્યુનિસિપલ કોર્પોરેશન ના કમિશનર સાથે મહત્વપૂર્ણ મુલાકાત કરી હતી. આ બેઠક દરમિયાન અમદાવાદ શહેરના હેરિટેજ સ્થાપત્યોની સુરક્ષા, જાળવણી અને પ્રવાસનને પ્રોત્સાહન આપવા માટે લેવામાં આવેલા પગલાં વિશે વિસ્તૃત ચર્ચા કરવામાં આવી હતી. વર્લ્ડ હેરિટેજ સિટીનો દરજ્જો જાળવી રાખવા માટે એએમસી દ્વારા કરવામાં આવતી કામગીરીનું ટીમે નિરીક્ષણ કર્યું હતું. યુનેસ્કોની ટીમે શહેરના કેટલાક પ્રમુખ સ્થાપત્યોની જાતતપાસ…
૯ જિલ્લામાં રેડ ઍલર્ટ-ગુરૂવારે સાંજે પણ મિનિ વાવાઝોડા જેવી સ્થિતિ સર્જાઇ છે, અનેક વિસ્તારોમાં કરા સાથે વરસાદ ખાબક્યોહવામાન વિભાગના નાઉ કાસ્ટ મુજબ, ૧૯ માર્ચ દેવભૂમિ દ્વારકા, પોરબંદર, જામનગર, રાજકોટ, જૂનાગઢ, ગીર સોમનાથ, દીવ, કચ્છ, અમરેલી અને પાટણ જિલ્લામાં ૬૨થી ૮૭ કિ.મી.ની ઝડપે પવન ફૂંકાવવાની સાથે કમોસમી વરસાદને લઈને રેડ ઍલર્ટ જાહેર કર્યુ છે.જ્યારે મોરબી, સુરેન્દ્રનગર, બોટાદ, ભાવનગર, બનાસકાંઠા, સાબરકાંઠા, મહેસાણા, અમદાવાદ, ગાંધીનગર, અરવલ્લી અને મહીસાગર જિલ્લામાં ૪૧થી ૬૧ કિ.મી.ની ઝડપે પવન ફૂંકાશે. આ સાથે કમોસમી વરસાદ, મેઘગર્જના અને કરા પડવાની શક્યતા છે. તેમજ ખેડા, આણંદ, વડોદરા, પંચમહાલ, દાહોદ, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ જિલ્લામાં યલો ઍલર્ટ…
અમદાવાદ, શહેરમાં બટાકા, દાળવડા, ગાંઠિયા તેમજ ચવાણા સહિતનાં ફરસાણનાં ઉત્પાદકો તેમજ દુકાનદારો પણ તળવાનાં તેલનો વારંવાર ઉપયોગ ના કરે તે માટે મ્યુનિ. ફૂડ વિભાગ દ્વારા ચેતવણી આપવામાં આવે છે તેમ છતાં કેટલાય વેપારીઓ એકનાં એક તેલનો જ ઉપયોગ કરતાં હોવાથી મ્યુનિ. ફૂડ વિભાગની ટીમોએ તપાસ હાથ ધરતાં તેમાં છ એકમમાં ટીપીસી, પેરોક્સાઇડ અને આયોડિન વેલ્યુ વધારે જણાતાં સીલ સહિતની કાયદાકીય કાર્યવાહી કરવામાં આવી છે.તેમજ સિંધુભવન રોડ પર કોમો બાય કાફા રેસ્ટોરન્ટમાંથી ગાર્લિક બ્રેડમાંથી મરેલી માખી નીકળી હતી. જેની સામે મ્યુનિ. દ્વારા શ્ ૫૦,૦૦૦નો વહીવટી ચાર્જ વસૂલ કરવામાં આવ્યો હતો.મ્યુનિ. ફૂડ વિભાગનો હવાલો સંભાળતાં ઇન્ચાર્જ એડિશનલ હેલ્થ ઓફિસર ડો.તેજસ શાહે જણાવ્યું…
અમદાવાદ, અમદાવાદમાં સાયબર ઠગાઈના કેસમાં સતત વધારો થઈ રહ્યો છે અને ઠગ હવે નવી નવી મોડેસ ઓપરેન્ડી અપનાવી લોકોને નિશાન બનાવી રહ્યા છે. આવી જ એક ઘટના સામે આવી છે જેમાં શીલજના ૭૦ વર્ષીય વકીલને ફેસબુક પર સંપર્ક કરી એક યુવતીએ લગ્ન કરવાની લાલચ આપીને ક્રિપ્ટો કરન્સીમાં રોકાણ કરાવી કુલ ૫૭.૯૦ લાખની ઠગાઈ કરી છે.યુવતીએ વકીલ સાથે લગ્ન કરી ઈટલીમાં સેટલ થવાની લાલચ પણ આપી હતી. જે અંગે સાઇબર ક્રાઈમ બ્રાન્ચે ફરિયાદ નોંધી વધુ તપાસ શરૂ કરી છે.ફરિયાદ મુજબ નવેમ્બર ૨૦૨૫માં વકીલનો ફેસબુક પર “લક્ષ્મીદેવી રેડી” નામની યુવતી સાથે સંપર્ક થયો હતો. યુવતીએ પોતે આઈઆઈએમ અમદાવાદમાંથી અભ્યાસ કરેલો હોવાનું અને…
જામનગર, અમરેલી, ગુજરાતમાં હવામાન વિભાગની આગાહી મુજબ બુધવારે સૌરાષ્ટ્રમાં વાદળછાયા વાતાવરણ વચ્ચે અમરેલી અને જામનગર જિલ્લામાં કરા સાથે કમોસમી વરસાદ પડ્યો હતો.અમરેલીના બગસરા અને વડિયાના ગામોમાં ભારે પવન બાદ કરા સાથે વરસાદ પડ્યો હતો.જામનગરના લાલપુર પંથકમાં વરસાદ નોંધાયો છે. કમોસમી વરસાદથી ખેડૂતોની ચિંતામાં વધારો થયો છે.અમરેલી જિલ્લાના કેટલાક વિસ્તારમાં બુધવારે બપોર બાદ વાતાવરણમાં પલટો આવ્યો હતો. વડીયા અને બગસરા પંથકમાં કમોસમી વરસાદી ઝાપટા પડ્યાં છે. વડીયા શહેર, મોરવાડા, બાંટવા દેવળી સહિતના ગામોમાં વરસાદી ઝાપટા વરસ્યા છે.બગસરા શહેરમાં કરા સાથે વરસાદ ખાબકયો. બગસરા પંથકના શાપર, સુડાવડ સહિતના ગામોમાં કમોસમી વરસાદના ઝાપટા વરસ્યા હતા.જામનગરના લાલપુર પંથકમાં વરસાદ પડતા રસ્તા પર નદી વહેતી…
સુરત, સુરત જિલ્લાના બારડોલી તાલુકાના ઉતારા ગામે આજે એક હૃદયદ્રાવક ઘટના સામે આવી છે. મીંઢોળા નદીમાં નાહવા ગયેલા પાંચ મિત્રો પૈકી બે યુવકો નદીના ઊંડા પાણીમાં ગરકાવ થઈ જતાં તેમના અકાળે મોત નીપજ્યા છે.નદીમાં નાહવાની મજા પળભરમાં સજામાં ફેરવાઈ ગઈ હતી. મળતી વિગતો અનુસાર, પાંચ મિત્રોનું એક ટોળું ઉતારા ગામ પાસેથી પસાર થતી મીંઢોળા નદીમાં નાહવા માટે ગયું હતું. નદીમાં નાહતી વખતે પાંચ પૈકીના બે યુવકો અચાનક પાણીના જોરદાર પ્રવાહમાં ખેંચાઈ ગયા હતા અને જોતજોતામાં ઊંડા પાણીમાં ગરકાવ થવા લાગ્યા હતા.સાથે રહેલા અન્ય મિત્રોએ બૂમાબૂમ કરતા સ્થાનિક ગ્રામજનો તાત્કાલિક ઘટનાસ્થળે દોડી આવ્યા હતા અને આ અંગેની જાણ બારડોલી ફાયર વિભાગને…
ગુજરાત બાર કાઉન્સિલના અભૂતપૂર્વ વ્યુહાત્મક ચૂંટણી જંગમાં અનેક હિતશત્રૂઓના વ્યુહાત્મક ચક્રવ્યુહને ભેદીને અનેક પડકારો વચ્ચે ચૂંટણી જંગ જીતીને સમરસ જુથનું નેતૃત્વ જાળવી રાખતા જે. જે. પટેલ ?!શું આને ચૂંટણીની પારદર્શકતા કહેવાય ?! એકડાનું પરિણામ જાહેર થયા પછી બાર કાઉન્સિલના અનેક ઉમેદવારોએ આ સવાલ ‘વેસ્ટર્ન ટાઈમ્સ’ સમક્ષ રજૂ કર્યાે છે !પ્રથમ તસ્વીર ગુજરાત બાર કાઉન્સિલના મત ગણતરી સ્થળની છે ! ગુજરાત હાઈકોર્ટના ઓડિટોરીયમ હોલની છે ! જયાં ગોકળ ગાયની ગતિએ પ્રથમ પ્રેફરન્સના મતો ગણવાની કાર્યવાહી પૂર્ણ થતાં કોને કેટલા એકડા મળ્યા તેની જાહેરાત થઈ ગઈ છે !જેમાં શ્રી જે. જે. પટેલ અને શ્રી આફતાબહુસેન એ. અન્સારી જીતનો કવોટા પાર કરતા જીતેલા…
અમદાવાદ, શહેરમાં હનીટ્રેપના કિસ્સાઓ સતત વધી રહ્યા છે, ત્યારે નરોડા પોલીસ સ્ટેશનમાં એક ચોંકાવનારી ફરિયાદ નોંધાઈ છે. ઘાટલોડિયા વિસ્તારમાં રહેતા અને વેપારીને ફેસબુક પર મિત્રતા કેળવી એક મહિલાએ મળવા બોલાવ્યા હતા.ત્યારબાદ તેના સાગરીતોએ નકલી પોલીસ બની વેપારીને ડ્રગ્સના કેસમાં ફસાવી દેવાની ધમકી આપી લાખો રૂપિયાની ખંડણી માગી હતી. આ દરમિયાન નાના ચિલોડા પાસે ફિલ્મી ઢબે વેપારીનું અપહરણ કરી લૂંટ ચલાવી હતી. ત્રણ લાખ પડાવ્યા બાદ વધુ પાંચ લાખની માગણી કરતા ભાંડો ફૂટ્યો હતો.આ મામલે નરોડા પોલીસે ફરિયાદ નોંધી તપાસ આદરી છે. નોંધનીય છે કે, રામોલ પોલીસે હનીટ્રેપમાં ફસાવી લોકો પાસે લાખો પડાવતી ટોળકીને ઝડપી લીધી હતી. આ જ ટોળકીએ ઘાટલોડિયાના…