ગાંધીનગર, ગાંધીનગર જિલ્લામાં સ્થાનિક સ્વરાજયની ૩ સંસ્થાની સામાન્ય ચૂંટણીના મતદાનની પ્રક્રિયા હાથ ધરવા માટે જિલ્લા ચૂંટણી પંચ એલર્ટ થઈ ગયું છે. સુરક્ષાની સમીક્ષા બાદ જિલ્લાના ચારેય તાલુકાના ગ્રામ્ય વિસ્તારોના કુલ ૮૯ર મતદાન મથકોમાંથી ર૧૧ મથકોને સંવેદનશીલ જાહેર કરવામાં આવ્યા છે. જયારે કલોલ નગરપાલિકા વિસ્તારના ૧૦ર પૈકી ૪ર મતદાન મથકો પર બાજ નજર રાખવા તંત્ર સજ્જ થઈ ગયું છે.ર૬ એપ્રિલને રવિવારે યોજાનારી સ્થાનિક સ્વરાજ્યની સામાન્ય અને પેટા ચૂંટણી સંદર્ભે વહીવટી તંત્ર અને પોલીસ વિભાગ એકશન મોડમાં છે. ચૂંટણી પ્રક્રિયાને શાંતિપૂર્ણ અને પારદર્શક રીતે સંપન્ન કરવા માટે તંત્ર દ્વારા સંવેદનશીલ મતદાન મથકોની સુરક્ષા અને નાગરિકો માટે હેલ્પલાઈન સહિતનું દ્વિસ્તરીય આયોજન કરવામાં આવ્યું…
Author: gujarat
જીવનભર અનાથ-દર્દીઓની સેવા કરનાર પદ્મશ્રી સુરેશભાઈ સોનીનું અવસાન( પ્રતિનિધિ)મોડાસા, રાજેન્દ્રનગર (સહયોગ) ખાતે સંયુક્ત સેવા ટ્રસ્ટ દ્વારા વર્ષોથી માનવસેવાનો દીવો પ્રગટાવતા પદ્મશ્રી સુરેશભાઈ સોની હવે આપણી વચ્ચે રહ્યા નથી. છેલ્લા કેટલાંક સમયથી અસ્વસ્થ રહેલા સુરેશભાઈ સોનીએ અંતિમ શ્વાસ લીધા અને પ્રભુના શરણે ગયા. તેમના અવસાનથી સમગ્ર ઉત્તર ગુજરાતમાં શોકની લાગણી વ્યાપી ગઈ છે.સુરેશભાઈ સોનીએ પોતાના પરિવાર સાથે મળીને જીવનભર અનાથ બાળકો, કુષ્ઠરોગ પીડિતો અને માનસિક રીતે અશક્ત વ્યક્તિઓની સેવા કરી હતી. તેમણે માત્ર આશ્રય જ નહીં, પરંતુ પરિવાર જેવી લાગણી સાથે દર્દીઓની સંભાળ લીધી. તેમના આશ્રમમાં રહેતા લોકો માટે ખાદી ઉદ્યોગ, શિક્ષણ અને રોજગારની વ્યવસ્થા ઉભી કરી તેમને આત્મનિર્ભર બનાવવાના પ્રયત્નો…
અમદાવાદ (પ્રતિનિધિ), ઈન્ડિયન રેડ ક્રોસ સોસાયટીના ૧૦૪માં સ્થાપના દિવસે અમદાવાદના મ્યુનિસિપલ કમિશનર બંછાનિધિ પાનીએ રેડ ક્રોસના શતાબ્દી ભવનની મુલાકાત લીધી અને અમદાવાદ રેડ ક્રોસની ટીમના વિવિધ માનવતાવાદી કાર્યોની ઉત્કૃષ્ટ કામગીરી બદલ પ્રશંસા વ્યક્ત કરી હતી.ખાસ કરીને બ્લડ કલેકશન અને ટ્રાન્સફ્યુઝન સેવાઓ માટે મળેલા રાષ્ટ્રીય સ્તરના પ્રતિષ્ઠિત માન્યતાનો તેમણે વિશેષ ઉલ્લેખ કર્યો હતો. આ મુલાકાત દરમિયાન કમિશનરે સંસ્થાની વિવિધ સુવિધાઓનું નિરીક્ષણ કર્યું અને શહેરના આરોગ્ય તથા આપાતકાલીન સેવા વ્યવસ્થામાં સંસ્થાએ ભજવેલી મહત્વપૂર્ણ ભૂમિકાની સરાહના કરી.તેમણે ખાસ કરીને બ્લડ ડોનેશન સેવાઓના જીવનદાતા પ્રભાવને ઉજાગર કરતાં જણાવ્યું કે, રેડ ક્રોસ હજારો જરૂરિયાતમંદ દર્દીઓ માટે આશાનો આધાર બની રહી છે. તેમણે ઉમેર્યું કે અમદાવાદને…
અમદાવાદ મનપા ચૂંટણીમાં પોલીસની લોખંડી સુરક્ષા વ્યવસ્થા ગોઠવાશે ગાંધીનગર, સ્થાનિક સ્વરાજ્યની ચૂંટણીના પ્રચાર પડઘમ શાંત થયા છે. રાજકીય પાર્ટીના ચૂંટણી ઉમેદવારો હવે નહી કરી શકે પ્રચાર. અમદાવાદ શહેરમાં સ્થાનિક સ્વરાજ્યની ચૂંટણીને લઈ પ્રચારનો ગજવો હવે શાંત થઈ ગયો છે. અમદાવાદ માં ચૂંટણી પ્રચારનો સમય પૂર્ણ થતાં રાજકીય પાર્ટીઓના ઉમેદવારો હવે કોઈપણ પ્રકારનો જાહેર પ્રચાર કરી શકશે નહીં.ચૂંટણી આયોગના નિયમો મુજબ, પ્રચાર સમયમર્યાદા પૂરી થયા બાદ તમામ ઉમેદવારોને શાંતિ જાળવવાની ફરજ રહેશે. આ દરમિયાન મતદારોને પ્રભાવિત કરવા માટે કોઈ સભા, રેલી કે જાહેર પ્રચાર કાર્યક્રમો યોજી શકાશે નહીં.અમદાવાદ મ્યુનિસિપલ કોર્પોરેશન દ્વારા પણ શહેરમાં લગાવવામાં આવેલા રાજકીય પાર્ટીઓના બેનરો અને પોસ્ટરો ઉતારવાની…
(એજન્સી)અમદાવાદ, ગુજરાતભરમાં વૈશાખી વાયરા સાથે કાળઝાળ ગરમીથી જનજીવન પર અસર પડી છે. અમદાવાદ અને રાજકોટ સહિત મોટાભાગના શહેરોમાં તાપમાનનો પારો ૪૨થી ૪૩ ડિગ્રી સુધી પહોંચી ગયો છે.અસહ્ય ગરમીને લીધે બપોરના ટાણે મહાનગરોના રોડ-રસ્તાઓ સુમસામ બની જાય છે. અનિવાર્ય સંજોગોમાં બહાર નીકળતા ટૂ-વ્હિલર ચાલકો મોઢે રૂમાલ, હેલ્મેટ અને ચશ્મા પહેરીને ‘લૂ’ થી બચવા મથામણ કરી રહ્યા છે.રાજ્યના હવામાન વિભાગે તા. ૨૯ એપ્રિલ સુધી સમગ્ર રાજ્યમાં ભારે ગરમીની આગાહી સાથે ‘યલો એલર્ટ’ જાહેર કર્યું છે. વેસ્ટર્ન ડિસ્ટર્બન્સની અસર ઓછી થતા અને પશ્ચિમી સૂકા પવનો ફૂંકાવાને કારણે વાતાવરણ વધુ શુષ્ક બનશે, જેનાથી લોકોએ હજી વધુ શેકાવું પડશે.હવામાન વિભાગે સ્પષ્ટ ચેતવણી આપી છે કે,…
સ્થાનિક સ્વરાજ્યની ચૂંટણીમાં સોશિયલ મીડિયા પર કરેલા પ્રચારનો ખર્ચ જાહેર કરવો ફરજિયાત(એજન્સી)ગાંધીનગર, રાજ્યમાં સ્થાનિક સ્વરાજ્યની ચૂંટણીમાં ચૂંટણી પ્રચારના પડઘમ શુક્રવારે સાંજથી શાંત પડી ગયા છે, રાજકીય પક્ષોના ઉમેદવારોને ચૂંટણી જીતવા માટે એડીચોટીનું જોર લગાવ્યું છે. રાજ્યના ચૂંટણી પંચે મહાપાલિકા, પાલિકા અને જિલ્લા તથા તાલુકા પંચાયતની ચૂંટણીના ઉમેદવારો માટે ખર્ચની મર્યાદા નક્કી કરી છે.ત્યારે ચૂંટણી પંચે સ્પષ્ટતા કરી છે કે, ઉમેદવારો દ્વારા સોશિયલ મીડિયા મારફતે કરવામાં આવતા પ્રચાર પર થતો ખર્ચ ચૂંટણી આયોગને ફરજિયાત રીતે જણાવવો પડશે. રાજ્ય ચૂંટણી આયોગના નિર્ણય મુજબ ફેસબુક, ઇન્સ્ટાગ્રામ, યુટ્યુબ, વોટ્સએપ સહિતના પ્લેટફોર્મ પર કરવામાં આવતા તમામ પ્રકારના પ્રચાર જેમ કે, પેઈડ એડ, બૂસ્ટેડ પોસ્ટ, વીડિયો…
(પ્રતિનિધિ) અમદાવાદ, અમદાવાદ મ્યુનિસિપલ કોર્પોરેશનની ચૂંટણીમાં ખોખરા વોર્ડના ભાજપના ઉમેદવારો દ્વારા તમિળ ભાષામાં અનોખો ચૂંટણી પ્રચાર કરવામાં આવી રહ્યો છે અને તમિળ સમાજના કાર્યકર્તાઓને સાથે રાખીને તમિળ ભાષામાં જ તમામ લોકોને મતદાન કરવા માટે અપીલ કરવામાં આવી છે.શહેરના દક્ષિણ ઝોનમાં આવેલા ખોખરા વોર્ડમાં આશરે ૮ હજાર જેટલા તમિળનાડુના વતનીઓ વસે છે. આ બાબતને ધ્યાનમાં રાખીને તમિળ મતદારોને આકર્ષવા તમિળ ભાષામાં બેનરો લગાવવામાં આવ્યા છે એટલું જ નહીં પરંતુ તમિળનાડુના વતનીઓ સાથે ગ્રુપ મીટિંગ, રાત્રિ મીટિંગ યોજવામાં આવી રહી છે.ખોખરા વોર્ડના ભાજપના ઉમેદવાર નયન બ્રહ્મભટ્ટ અને કમલેશ પટેલ જણાવ્યું હતું કે, ખોખરા વોર્ડમાં વર્ષોથી તમિલનાડુના પરિવારો વસે છે અને લગભગ ૮…
(એજન્સી)અમદાવાદ, ગરીબ અને મધ્યમ વર્ગના પરિવારોના ઓછી આવક ધરાવતા બાળકો ખાનગી શાળાઓમાં ભણી શકે તે માટે આરટીઆઈ હેઠળ ધોરણ ૧માં પ્રવેશ માટેની રાજ્ય સરકારની કોમન પ્રક્રિયામાં ફોર્મ ભરવાની મુદત પૂર્ણ થઈ ગઈ છે.ફોર્મ ભરવાની મુદતમાં ૬ દિવસ વધુ અપાયા બાદ ભરાયેલા કુલ ફોર્મ વધીને ૨,૪૯,૯૪૬ થયા છે. આમ રાજ્યમાં આરટીઈ હેઠળ ખાનગી શાળાઓમાં અઢી લાખ બાળકોને પ્રવેશ ગુજરાત સરકારના પ્રાથમિક શિક્ષણ વિભાગ દ્વારા ૨૦૨૬-૨૭ના શૈક્ષણિક વર્ષ માટે આર.ટી.ઈ.માં પ્રવેશ માટે ગત ૪ એપ્રિલથી ૧૭ એપ્રિલ સુધી ઓનલાઈન ફોર્મ ભરવાની મુદત આપવામાં આવી હતી.પરંતુ હાલ ચૂંટણીને પગલે અધિકારીઓ ચૂંટણી કામગીરીમાં હોવાથી આવકના દાખલા સહિતના ડોક્યુમેન્ટમાં વાલીઓને મુશ્કેલી ઉભી થતા ફોર્મ ભરવાની…
ગાંધીનગરમાં પરેશભાઇના ઘરમાંથી સોના-ચાંદીના દાગીના, યુએસ ડોલર સહિતની મત્તા ચોરી હોવાનું જણાવ્યું હતું. (એજન્સી)અમદાવાદ, પાટનગર ગાંધીનગરના સેકટર-૨માં એક NRIના ઘરમાં સોના-ચાંદીના દાગીના, યુએસ ડોલર સહિત કુલ ૯૯.૫૫ લાખની મત્તાની ચોરીને મધરાત બાદ કારમાં નાસી રહેલા ચોરને નારોલ પોલીસે પેટ્રોલિંગ દરમિયાન ઝડપી લીધો હતો. પોલીસે આરોપી પાસેથી કુલ રૂ. ૧ કરોડથી વધુનો મુદ્દામાલ કબ્જે કર્યો છે.પોલીસે કારને અટકાવીને પૂછતાછ કરતા ચોર પોલીસને જોઈને ગભરાઈ ગયો હતો. અને ચોરે કબુલાત કરી હતી કે ગાંધીનગરમાં ખૂબ મોટી ચોરી કરી છે. આરોપી પોતાની કાર લઇને જ ચોરી કરવા જતો હતો. આરોપી સામે કુલ ૨૧ ગુના પોલીસ ચોપડે નોધાયેલા છે. આ અંગે પોલીસે વધુ તપાસ…