સ્થાનિક ડેસ્ક: NEET – દેશભરની મેડિકલ અને અન્ય પેરા-મેડિકલ કોલેજોમાં પ્રથમ વર્ષમાં પ્રવેશ માટે જરૂરી નેશનલ એલિજિબિલિટી કમ એન્ટ્રન્સ ટેસ્ટ તેમજ તલાટી કમ મંત્રીની પરીક્ષા આજે અને રવિવારે વડોદરા શહેરના 11 પરીક્ષા કેન્દ્રો પર લેવામાં આવી છે. આ બેઠક વ્યવસ્થા પર 5200 જેટલા વિદ્યાર્થીઓ પરીક્ષા આપશે.
નેશનલ ટેસ્ટિંગ એજન્સી (NTA) એ NEET પરીક્ષા માટે ખાસ ડ્રેસ કોડ લાગુ કર્યો છે. ઑફલાઇન મોડ પર આધારિત આ પરીક્ષા માટે, વિદ્યાર્થીઓએ પાસપોર્ટ સાઇઝના ફોટોગ્રાફ સાથે તેમના પ્રવેશ કાર્ડ સાથે રાખવાનું રહેશે. NEET પરીક્ષા બપોરે 2 વાગ્યે શરૂ થશે અને સાંજે 5:20 વાગ્યે સમાપ્ત થશે. વિદ્યાર્થીઓને બપોરે 12.30 વાગ્યાથી પરીક્ષા કેન્દ્રમાં પ્રવેશ આપવામાં આવશે અને બપોરે 1.30 વાગ્યા પહેલા પરીક્ષા ખંડમાં પ્રવેશ કરવો પડશે. ત્યાર બાદ વિદ્યાર્થીઓને પ્રવેશ આપવામાં આવશે નહીં.
NEET પરીક્ષા આપનાર ઉમેદવારો પરીક્ષા કેન્દ્રમાં મોબાઈલ કે અન્ય કોઈપણ ઈલેક્ટ્રોનિક ઉપકરણ લઈ જઈ શકતા નથી અને ઉમેદવારોએ હાફ સ્લીવના કપડાં પહેરવા જોઈએ તે સહિત અનેક સૂચનાઓ જારી કરવામાં આવી છે.